62 കമ്പനി സിഎപിഎഫും(സെൻട്രൽ ആംഡ് പൊലീസ് ഫോഴ്സ്) സുരക്ഷയൊരുക്കുന്നുണ്ട്.
ലോക്സഭ തിരഞ്ഞെടുപ്പ് പ്രക്രിയകള് പൂര്ത്തിയാകുന്നു. സംസ്ഥാനത്ത് 66,303 പോലീസ് ഉദ്യോഗസ്ഥരെ സുരക്ഷ ചുമതലയില് നിയോഗിച്ചതായി മുഖ്യതിരഞ്ഞെടുപ്പ് ഓഫീസര് സഞ്ജയ് കൗള് അറിയിച്ചു. കേരള പൊലീസും കേന്ദ്രസേനയുമാണ് വോട്ടെടുപ്പിന് സുരക്ഷ ഒരുക്കുന്നത്. സംസ്ഥാനത്ത് 25,231 ബൂത്തുകളാണ് ഇക്കുറിയുള്ളത്.
എഡിജിപി എം ആര് അജിത്ത് കുമാറാണ് പൊലീസ് വിന്യാസത്തിന്റെ നോഡല് ഓഫീസര്. പോലീസ് ഇന്സ്പെക്ടര് ജനറല് (ഹെഡ് ക്വാര്ട്ടേഴ്സ്) ഹര്ഷിത അട്ടല്ലൂരിനെ അസി. നോഡല് ഓഫീസറായും നിയോഗിച്ചിട്ടുണ്ട്. ഇവരുടെ നേതൃത്വത്തില് 20 ജില്ലാ പൊലീസ് മേധാവിമാരുടെ കീഴില് പോലീസ് ജില്ലകളെ 144 ഇലക്ഷന് സബ്ബ് ഡിവിഷന് മേഖലകളാക്കിയിട്ടുണ്ട്. ഓരോന്നിന്റേയും ചുമതല ഡിവൈഎസ്പി അല്ലെങ്കില് എസ്പിമാര്ക്കാണ്.
183 ഡിവൈഎസ്പിമാര്, 100 ഇന്സ്പെക്ടര്മാര്, 4540 എസ് ഐ, എഎസ്ഐമാര്, 23932 സീനിയര് സിവില് പൊലീസ് ഓഫീസര്മാര്, 2874 ഹോം ഗാര്ഡുകള്, 4383 ആംഡ് പൊലീസ് ബറ്റാലിയന് അംഗങ്ങള്, 24327 എസ്പിഒമാര് എന്നിവരാണ് സംസ്ഥാനത്ത് സുരക്ഷയൊരുക്കുന്നത്.
കൂടാതെ 62 കമ്പനി സിഎപിഎഫും(സെന്ട്രല് ആംഡ് പൊലീസ് ഫോഴ്സ്) സുരക്ഷയൊരുക്കുന്നുണ്ട്. ഇതില് 15 കമ്പനി മാര്ച്ച് മൂന്നിനും 21 നുമായി സംസ്ഥാനത്തെത്തിയിരുന്നു. ബാക്കി 47 കമ്പനി സേന തമിഴ്നാട്ടിലെ വോട്ടെടുപ്പ് പൂര്ത്തിയായ ശേഷം ഏപ്രില് 20 ന് എത്തിയിരുന്നു. പ്രശ്ന ബാധിതമാണെന്ന് കണ്ടത്തിയിട്ടുള്ള പോളിംഗ് സ്റ്റേഷനുകളില് കേന്ദ്രസേനയുള്പ്പെടെ അധിക പൊലീസ് സേനയെ വിന്യസിച്ചിട്ടുണ്ട്.